連續睇咗兩個不誠實填寫病歷問卷嘅病人。一個覺得輕微嘅流鼻水冇乜大礙。另外一個就喺度同我坳話佢啲肚屙好輕微所以唔係你張紙寫嘅「肚瀉」！ 但係最尾要攞聽日假紙！！！你覺得咁輕微又何必放假呢？
我喺張問卷下低指出我哋嘅聲明話如果虛報係有機會觸犯法例等等。佢哋面不改容個喎。覺得冇問題個喎。佢地覺得我痴線㗎咋喎。
問題係你唔好好咁寫，你就會入咗嚟我間房，唔係入我哋嘅懶係「隔離房」。咁你咪感染我，感染我屋企人，跟住我又出去感染呢個社區！做個負責任啲嘅病人得唔得呀？又唔係唔俾病假你而家？
重點係佢要我林閂門之前15分鐘衝入嚟！係攞假紙早啲啦！成件事都係錯！！
***
呀仔發咗五日半高燒，最後出玫瑰疹。阿女竟然一啲事都冇。媽媽嗰幾日就提心吊膽，好眼瞓！
一路諗緊幾時比佢哋返playgroup，但係而家第二波疫情，公布嘅數字又唔知可唔可信，唯有繼續一舊飯喺屋企，自己同自己玩。
Search